Utusan Borneo

Sarawak patut bisi Opis Lada kediri ke pemansang industri lada premium

KUCHING: Sarawak patut ngembuan Opis Lada kediri empu dikena ngenyampatka pemansang industri lada premium ba negeri tu.

Menteri Industri Barang Pemakai, Komoditi, enggau Pemansang Kandang Menua Sarawak (M-FICORD), Dato Sri Dr. Stephen Rundi Utom madahka, tu laban industri lada besairetingagaiekonominegeri enggau pekebun mit lada.

“Bepelasarka tinjau ke dipejalaika apin lama, urung 98 peratus lada ditanam di dalam Sarawak sereta lalu dua (2) peratus ditanam di Semenanjung Malaysia enggau Sabah.

“Berindik ari pemesai reti tauka guna ngagai ekonomi Sarawak enggau ke lebih agi ngagai 37,484 pekebun mit lada diatu, chukup beguna Sarawak bejalaika tanggungpengawa ti lebih besai dalam industri lada.

“Nya alai enggau tegal nya, amat beguna numbuhka Lembaga Lada ke dikeempu Sarawak kena ngenyampatka pemansang industry lada premium,” ku iya.

Dr. Rundi meri langgur penemu nya lebuh iya ti nyimpul jurai M-FICORD ba Aum Ketiga Penggal Keterubah Aum Kunsil Negeri Sarawak Ke-19 ke diatur ba Kompleks DUN Sarawak ditu, kemari.

Dulu ari nya iya madahka, taun 2021 lada meri penguntung urung RM2.2 bilion tauka 0.2 peratus ngagai Keluaran Dalam Negara Kasar, lalu ari penyampau nya mayuh agi iya nya 90 peratus lada ari Sarawak.

Ku iya, asil lada majak manah ari 4.4 metrik sehektar ngagai 6.4 metrik tan sehektar sepemanjai timpuh 2010 – 2022.

Iya madahka pemanah nya

diperansang mayuh bengkah aktiviti pemansik enggau pemansang ke fokus ngagai chara ti meri empas manah ba pengawa nanam enggau ngemanahka ladang lada sereta sukung ti nadai ngetu ari perintah ba bantu belanja, penemu enggau bantu teknologi ungkup pekebun kena nentuka industri lada terus ngerembai.

Ba taun 2021, ku iya, penyampau pengeluar tauka asil eksport Lada Sarawak iya nya 8,097 tan metrik berega RM151.2 juta.

Ba suku ketiga 2022, penyampau eksport Lada Sarawak udah nambah ari RM102.0 juta ngagai RM136.5 juta dibandingka enggau suku tis ama taun nyin kemari, ku iya.

“Palan besai eksport Lada Sarawak iya nya Jepun, Vietnam, Taiwan enggau Korea Selatan.

“Rega lada diatu ba tikas ti tegap enggau pukul rata

rega sepenyampau RM13,300 setan ungkup lada chelum enggau RM23,300 setan ungkup lada burak.

“Rega tu dipelaba deka dalam entara RM15,000 ngagai RM17,000 setan lada chelum enggau RM25,000 ngagai RM26,000 setan lada burak ba taun 2023,” ku iya.

Lebuh ti ngenang industri kelapa sawit, iya madahka, naka ke diatu bisi 757 ladang ti enggau pemesai 1.41 juta hektar di Sarawak udah diaku ari baruh pensijilan Malaysian Sustainable Palm Oil (MSPO).

“Nyentuka Oktober 2022, bisi 43,019 tauka 96.2 peratus pekebun mit ti dianggarka pemesai 241,000 hektar udah direjister ari baruh 32 Sustainable Palm Oil Cluster (SPOC).

“Lalu ari penyampau nya, bisi 35,956 tauka 80.4 peratus pekebun mit ke udah disahka,” ku iya.

Nasional

ms-my

2022-12-01T08:00:00.0000000Z

2022-12-01T08:00:00.0000000Z

https://epaper.utusanborneo.com.my/article/282106345659835

Borneo Post