Utusan Borneo

SSC chakah ngatur program dikena nyikap atlit Sarawak napi SUKMA 2024

Perbadanan Sukan Sarawak (Sarawak Sports Corporation -SSC) udah ngemansangka program ti chakah agi kena nyikap atlit negeri betapi Sukan Malaysia (SUKMA) 2024.

Menteri Nembiak, Lumba enggau Main, enggau Pemansang Orang Dagang Sarawak, Dato Sri Abdul Karim Rahman Hamzah madahka, program nya mega deka mungkur jurulatih ti berkelayakan.

“Kena nyikap Sarawak betapi SUKMA 2024, opis menteri aku nengah Perbadanan Sukan Sarawak udah ngemansangka program ti lebih agresif enggau khas kena mekuh ngagai raban atlit ke dipilih ngarika Sarawak.

“Program tu deka nyendiaka jurulatih ti berkelayakan enggau bepenelaba sereta program latih strategik ngagai kena nempa atlit ti bekualiti,” ku iya.

Iya mansutka pekara nya lebuh ti nyimpul jurai Opis Menteri Nembiak, Lumba enggau Main, enggau Pemansang Orang Dagang Sarawak ba Aum Ketiga Penggal Keterubah Aum Kunsil Negeri Sarawak Ke-19 ke diatur ba Kompleks DUN Sarawak ditu, kemari.

Bejaku baru iya madahka, inisiatif bukai nyengkaum ngenegapka asas kena muka mayuh agi Beginner’s Elite Program (PEP).

“Fokus PEP ti dikena ngelala bagu raban atlit ke bisi penau enggau pengelandik ke bedau diserungkai.

“Palan tu ukai semina bepalan ba kandang menua mengeri tang mega di kandang menua pesisir baka di Kapit, Baram, Belaga, Betong, Daro, Lubuk Antu enggau Gedong, ke alai atlit ke bisi penau enggau pengelandik bisi ditemu,” ku iya.

Kelimpah ari nya iya madahka opis menteri ngepunka pengelantang pendiau atlit, iya nya ulih nampung pelajar ngagai renggat university enggau kolej menua tu enggau luar menua ti enda ngeruga program latih lumba enggau main sida.

Iya madahka tu deka nyemayaka atlit kitai kuing sida enda tekeruga maya nyapai juluk sida, juluk diri empu enggau visyen lumba enggau main.

“Tu mega deka meri pengarap ti lebih ngagai apai indai dalam nyukung kereja sida ba lumba enggau main enggau kelayakan akademik,” ku iya.

“Bisi 69 ex-atlit kitai ke udah ngambi bagi ba program future couching enggau SSC sereta ke bukai di nengeri Malaysia tu. Lalu bisi 25 ex-atlit kitai udah diterima gawa ba syarikat di menua tu.

“Lalu atlit ke deka nampung pelajar jemah ila, opis menteri aku udah mantu 180 iku atlit ba universiti menua tu,” ku iya.

Nasional

ms-my

2022-12-01T08:00:00.0000000Z

2022-12-01T08:00:00.0000000Z

https://epaper.utusanborneo.com.my/article/282127820496315

Borneo Post