KUCHING: Sepenyampau RM1.86 juta dikena mantu 37,445 iku peranak ti tasah dituntung penusah bah ba bagi menua Sibu, Kapit, Bintulu enggau Miri.

Menteri Pemansang Orang Indu, Nembiak Mit enggau Pengelantang Pendiau Raban Bansa, Sarawak, Dato Sri Fatimah Abdullah madahka, kena betapi enggau penusah bah opis menteri nengah Opis Pengintu Pengelantang Pendiau Raban Bansa Sarawak (JKMS) seruran nyikap diri.

“Kenyau ari 10 Oktober ngagai 16 November 2022, bisi 37,445 iku peranak ti kena tasah bah ti dirikotka ba 302 kandang menua di Sibu, Kapit, Bintulu enggau Miri.

“Sida iya udah diberi bant uke patut enggau tu mungkur belanja sepenyampau RM1.86 juta,” ku iya.

Fatimah madahka pekara nya lebuh ti nyimpul jurai Opis Menteri Pemansang Orang Indu, Nembiak Mit enggau Pengelantang Pendiau Raban Bansa, Sarawak ba Aum Ketiga Penggal Keterubah Aum Kunsil Negeri Sarawak Ke-19 ke diatur ba Kompleks DUN Sarawak ditu, kemari.

Bejaku baru iya madahka JKMS seruran besedia bekaul enggau fasiliti nyimpan bantu penasah iya nya sebuah Depo Simpanan Keperluan Bencana di Samarahan , tiga (3) buah Mini Depo di Kuching, Samarahan enggau Miri sereta 16 agi stor ba JKMS Bagi Menua enggau Pelilih Menuadi serata Sarawak.

Kelimpah ari fasiliti nya, ku iya, bisi 627 buah Palan Pemindah Sementara (PPS) ti bekapasiti 162,091 iku, sereta palan tu dipejalaika 1,971 iku staf enggau volunteer, disikap ngena 11,110

Collapsible Tent enggau 272 Mobile Partition.

Opis menteri mega bisi nyendiaka 48 buah perengka pengangkut opis nyema bisi guna, ku iya.

“Opis menteri mega bisi nyendia 27 Pangkalan Hadapan alai nyimpan bekal pemakai ungkup kandang endur ke tusah dilawa.

“Kena nentuka operasyen bejalai enggau lanchar, JKMS ngatur tujuh (7) siri Latihan Simulasi Persiapan Menghadapi bencana ke udah diatur di Bagi Menua Samarahan, Serian enggau Betong ari bulan September ngagai

November 2022 ti mungkur 650 iku pesereta ari komuniti ba endur nya enggau Jawatankuasa Pengurusan Bencana,” ku iya.

Nitih ku iya, kelimpah ari bantu tasah, opis menteri mega bisi ngurus bantu bukai ungkup raban rentan.

“Ari bulan Januari ngagai Oktober 2022, bisi 53,040 iku udah nerima bantu pengelantang pendiau tiap bulan ti begunaka belanja RM205.5 juta, sereta bantu sekali meri udah diberi ngagai 764 iku enggau penyampau belanja sepenyampau RM507 ribu,” ku iya.