Unit Pekara Jalai Pengarap Bukai (UNIFOR) ari baruh Opis Premier Sarawak, bedau lama udah nyuaka geran RM900,000 dikena melanja ungkus projek ngaga begunan baru Gerija St Barnabas di Taman Tunku, ditu.

Bantu nya udah disuaka nengah pengari rayat sida iya, Sapit Menteri Nembiak, Lumba enggau Main enggau Pemansang Orang Dagang ke mega ADUN Lambir, Dr Ripin Lamat.

Dulu ari nya, iya udah ngulu Pengerami Nutup Hari Bejual Gerija nya ti diatur kena ngumpul belanja dikena nambahka duit kena ngaga gerija nya ti mengkang begunaka RM1.2 juta.

Ripin lebuh ke bejaku pandak maya pengerami nya madah, iya deka mantu komiti ngaga gerija nya melanja ungkus ngaga ti agi kurang RM300,000 taun baru.

Ba pengerami ke sama, Ripin mega meri Selamat Hari Krismas nggai raban Kristianti bisi ngulu pengawa nya.