Utusan Borneo

Dokumen sementara ungkup individu ukai peranak menua

Tu diungkupka ngagai individu beumur 21 taun ke baruh lalu ada di nengeri tu, peminta ulih digaga ba Opis Pelilih Menua

Dikarang Rengenyan Labang

Peminta DSITKS ulih digaga terus ngagai opis menteri tauka nengah Opis Pelilih Menua ke semak. Ke tuju tu, peminta patut ngembuan surat beranak ti direjister di Sarawak bestatus Peranak Menua Bedau Ditentuka; enggau udah minta nyadi peranak menua Malaysia ari baruh Artikel 15A Perlembagaan Persekutuan.

KUCHING: Perintah Sarawak besetuju ngeluarka dokumen sementara ngagai individu ke nadai peranak menua (tanpa kewarganegaraan) di Sarawak (DSITKS) ke beumumr 21 taun ke baruh ti ada di negeri tu.

Menteri Pemansang Orang Indu, Nembiak Mit enggau Pengelantang Pendiau Raban Bansa Sarawak, Dato Sri Fatimah Abdullah madahka, dokumen tu kena ngemuntangka pemegai dokumen bulih akses ngagai pelajar enggau pengerai di Sarawak, sereta iya ukai dokumen peranak menua Malaysia.

Iya madahka, nya mega enda meri hak tauka semaya kena meri peranak menua Malaysia ngagai pemegai dokumen nya.

“Peminta DSITKS ulih digaga terus ngagai opis menteri tauka nengah Opis Pelilih Menua ke semak. Ke tuju tu, peminta patut ngembuan surat beranak ti direjister di Sarawak bestatus Peranak Menua Bedau Ditentuka; enggau udah minta nyadi peranak menua Malaysia ari baruh Artikel 15A Perlembagaan Persekutuan.

“Timpuh sah DSITKS pengelama dua taun bereng

Dato Sri Fatimah Abdullah Menteri Pemansang Orang Indu, Nembiak Mit enggau Pengelantang Pendiau Raban Bansa Sarawak

kah ari haribulan peminta nya dikemendarka. Peminta ulih dilanjarka nyema orang ke megai dokumen nya bedau bulih nyadi peranak menua.

“Kenyau peminta DSITKS dibuka kena 1 November 2022, opis menteri udah nerima 60 peminta. Lalu DSITKS patut dipulaika ngagai opis menteri enti udah bulih nyadi peranak menua enggau kad pengelala,” ku iya.

Fatimah madahak pekara nya lebuh ti nyimpul juari Opis Menteri Pemansang Orang Indu, Nembiak Mit enggau Pengelantang Pendiau Raban Bansa ba Aum Ketiga Renggat Keterubah Aum Kunsil Negeri Sarawak

Ke-19, ti diatur ba Kompleks DUN Sarawak ditu, kemari.

Kelimpah ari nya, lebuh ti ngenang ngenegapka ekonomi setipak enggau Startegi Pemansang Pengudah COVID-19 Sarawak 2030 (PCDS 2030), iya madahka, opis menteri nengah Opis Orang Indu enggau Ruang Bilik Sarawak (JWKS) terus bejalaika inisiatif oengulih kapasiti nengah program latih pengelandik enggau bantu mikro.

Bisi tiga inisiatif kapasiti orang indu enggau siti bantu dagang udah dipejalaika JWKS iya nya Karnival Kerjaya Wanita Sarawak, Women Skills Training (WST), enggau

Pusat Kemahiran Jahitan Komuniti (PKJK).

“Ba taun 2023, tiga (3) siri karnival (Karnival Kerjaya Wanita Sarawak) udah diperambu diatur ba Zon Utara,

Selatan enggau Tengah kena nentuka mensia mayuh ke lebih agi orang indu bulih penguntung ari karnival tu.

“WST diatur kena ngelatih bara orang indu ke lebih agi

raban indai tunggal, orang indu bepenatai pemisi baruh (raban B40) enggau orang indu ke nyaga ruang bilik.

“Lalu bekaul enggau PKPJ bisi lima palan tu disediaka ke

bepalan di Kuching, Serian, Sarikei, Sibu enggau Bintulu ti nyendiaka servis WST nyait pakayan Modul Tahap Rendah enggau Tengah,” ku iya.

Berita Iban

ms-my

2022-12-01T08:00:00.0000000Z

2022-12-01T08:00:00.0000000Z

https://epaper.utusanborneo.com.my/article/282175065136571

Borneo Post